【專家分析】螞蟻重啟上市意義不大?

【Now財經台】人民銀行聯同其他監管部門,再約談阿里巴巴(09988)旗下螞蟻集團,五大整改主要內容亦曝光,最矚目一定係螞蟻「拆骨」申請成立金融控股公司。

潤淼資產管理董事盧志威指,螞蟻仍然係上市無期,因爲阿里除咗支付寳外,相信其他同金融借貸相關業務暫時都要叫停,唔可以再用之前嘅模式經營,由於螞蟻唔可以再做貸款業務,增長空間、市場規模都大縮水,上市估值亦肯定冇咗一大截,即使重啟上市都意義唔大。佢又話,市場亦調整對科網股嘅睇法及期望,原因係預期監管措施陸續有嚟,其他科網股亦有被罰風險。