【專家分析】滙控賣走法國業務「識玩」

【Now財經台】滙豐控股(00005)以象徵式1歐元,賣走法國零售銀行業務,估計交易喺2023年上半年完成。雖然高盛話,交易對滙控財務狀況影響好細,但滙控股價一度大跌超過4%,低見45.1元,跌到1個月低位,更成為今日冧市推手之一。

uSmart盈立證券研究部總監陳偉聰指,交易產生嘅稅前虧損比市場預期大,加上短線會被下調盈利預測,導致股價今日受壓。不過,Jason話,今次呢單交易,長遠會有利滙控派息、回購,又可以集中火力做財富管理業務,令收入、股本回報率(ROE)、業務更平穩,有助滙控日後業務轉型,甚至增加業績能見度。