【專家分析】大市料繼續「疫情模式」一段時段

頂石盛豐資本管理董事盧志威認為,由於市場仍擔心緊疫情會蔓延,估計嚟緊幾日大市會繼續一個疫情模式,即係醫藥股會繼續升,旅遊酒店航空就相對較易跌。佢又估計,港股今日仍會跑輸其他亞洲股市,但指數跌幅料會溫和,個別板塊跌勢或會較急,例如早前藉澳門發展金融中心消息炒上嘅賭業股,相信仍有下調空間。