【股市脈搏】金山能源勁Chok因為一批CB?
12,273 次觀看
【Now財經台】金山能源(00663)早段一度升逾7%,高見0.143元,但之後走勢反覆,曾倒跌逾9%,午後持續偏軟,成交股數較過去100日同時段平均大增18倍。 金山能源近日交投活躍,走勢亦好Chok,噚日股價喺錄得4年以嚟最大成交下飆33%,可能同舊年發嘅一批可換股債券(CB)被行使有關。舊年7月,金山能源向西澤投資管理主席劉央及關連人士,發咗本金5000萬元嘅CB,每股換股價8仙,當時有14%溢價,如果全數兌換等於6.2億股,佔擴大後股本約7.9%,其後喺高位換股,暫時換咗5.37億股,金山能源股價抽上1年高位,即0.145元,低價換購嘅CB,如果喺高位即沽,獲利幅度高達80%,要留意未來有冇減持披露。
熱門商品