雅虎香港電視

【Now財經台】浙江世寶(01057)股價今朝平開後，急速向上，一度大升13%，高見1.64元，衝上3個月高位，升勢亦有成交配合，暫時成交金額約2000萬元，係過去4個月以嚟單日最多，亦較過去100日同時段大增近15倍。

浙江世寶除咗受全國汽車促銷活動帶動，集團上周亦表示，非公開發行A股嘅計劃依家等緊中證監批，擬集資最多逾11億人仔，相信喺中央支持下，呢類準備擴大產能嘅企業融資活動會較以往方便。

浙江世寶股價今朝升穿100天線，係3個月以嚟首次，但喺250天牛熊線前止步，加上14天RSI已升至70水平，投資者要小心今日嘅升幅只係曇花一現。