【期匯決算】離岸人仔有機下試7.3

【Now財經台】人民銀行上周宣布降準,加上疫情反彈,而最新出爐嘅首10月工業企業利潤跌幅擴大,導致人仔受壓,離岸價一度跌至約兩周低位,後市下跌空間仲有幾大?

光大證券環球市場及外匯策略師黃俊能指,暫時都係睇疫情為主,雖然人行降準,但市況都唔會即時好轉,其實市場都預咗會降準,加上幅度細過預期,整體流動性其實唔係增加好多,短期而言,如果疫情降溫就可以紓緩到市場嘅不安情緒,到時人仔就有條件回升,不過,疫情走勢好難預測,之前內地微調防疫措施令市場憧憬係一個放寬訊號,但新一波疫情令放寬變成不可能,預期人仔年底前好大機會持續受壓,離岸價有機會下試7.3,但因為美元都轉弱,因此,預期唔會失守上次低位7.34。