雅虎香港電視

【Now財經台】雖然美國能源資訊署公布，上星期美國原油集散地庫欣，原油庫存錄得今年第2大單周升幅，紐油反覆靠穩，今個星期油價暫時累升9%，錄得逾3周最大單周升幅，油價喺今年餘下時間，係咪可以企穩每桶70美元樓上？

艾德證券期貨投資策略總監文錦輝指，睇依家嘅走勢，油價今年餘下時間應可企穩70美元樓上，市場之前擔心病毒，同埋釋放石油儲備，但OPEC表明產油可加可減機制，係睇經濟及需求，所以唔一定會增產，有可能會減產，油價就借呢啲消息逐步向上，油價升穿72美元後，上望阻力係75美元，由於之前跌過龍，所以近日都彈返高，只要守得住72美元，有機會上試78美元。