政府廢除被捕醫生免針紙 議員批專橫「壞了法治」

1 年前
早前有7名私家診所醫生涉濫發免針紙被捕,政府隨後宣布取消7名被捕醫生發出嘅兩萬幾張免針紙。立法會議員江玉歡日前喺Facebook批評當局做法專橫,偏離法律目的。 江玉歡話,用「合理懷疑」作為理由,就廢除兩萬多張證明書,質疑政府無權力咁做,佢又表示,如果法律係咁兒戲,就不必經過繁複立法程序,佢話,盧寵茂嘅決定令法律界嘩然,作為律師及有份審核599L章嘅議員,容不下呢種專橫手法。佢又認為,法治係一國兩制重要一環,反問現時邊個壞咗法治。 政府回應,唔承認免針紙係疫苗通行證下嘅安排,並非直接廢除證明書,但江玉歡就話,咁只係「語言偽術」,唔承認同埋廢除無分別,政府唔能夠簡單以合理懷疑就廢除兩萬幾張免針紙。