雅虎香港電視

美國總統拜登宣布，延長喺美國港人嘅「延遲強制離境」計劃兩年，拜登話，原本計劃喺今年2月5日到期，宜家決定延長兩年，代表美國政府決心推行團結民主價值的外交政策，捍衛民主及宣揚人權。拜登又話，會向被奪走受保障自由嘅港人提供避風港，繼續堅定支持港人。 「延遲強制離境」計劃實際係一種政治庇護，計劃唔會給予申請者永久公民身份，到期後需要申請另一種嘅移民身份，但計劃只俾2021年8月5日之前入境美國嘅人，如果之後曾經返港，就唔合符資格。 外交部駐港公署話，對延長有關計劃強烈不滿同埋堅決反對。批評美國真實意圖係藉助操弄簽證政策，為外逃「反中亂港分子」提供避風港，充分暴露美國唯恐香港不亂嘅險惡用心。