雅虎香港電視

【Now財經台】內地白酒股近排熱炒，港股嘅消費股如餐飲、香煙相關股等都普遍造好，係咪憧憬農曆新年內需消費復甦趁低撈貨？

國信證券財富管理中心研究部副總裁程嘉偉指，睇返經濟數據，消費股嚟講，食品﹑必須消費品表現較好，因為有加價預期，喺PPI持續上升下，加價預期係有機會實現，反觀非食品類消費品，睇經濟數據就冇乜支持，只係跟整體消費類板塊大隊升。

至於香煙相關股，程嘉偉話，可以考慮短炒上游嘅生產龍頭，例如思摩爾國際(06969)﹑比亞迪電子(00285)，預期股價仲有得升，因為未來嘅電子煙監管政策，主要聚焦下游銷售。佢又話，等政策真正落地時，先係做香煙板塊長線部署嘅好時機。