雅虎香港電視

近日網上流傳一段影片，長沙灣地鐵站外一名94歲嘅婆婆坐喺地下喊，又被食環署人員以及警員包圍，婆婆持牌小販，但佢擺檔期間離開咗栗子車一段時間，由30幾歲嘅男親友看管，之後男親友被食環署檢控，栗子車被沒收。 食環署話，事發地點係主要通道，相當繁忙，署方人員曾經作出警告，一小時後番到現場，發現一名男子經營栗子車，所以檢控佢無牌販賣，而婆婆喺執法半個鐘後先出現，強調已經有體諒執法。 立法會議員江玉歡跟進事件，並同婆婆見面，佢話，婆婆年紀大仍自力更生，一時間要去廁所以及用膳，所以拜託其他人睇檔，唔係長時間交俾其他人經營，希望署方酌情歸還 搵食工具。