雅虎香港電視

最新一輪電子消費券將會喺今個月16日發放，政府公布，今輪有8萬人被取消申領消費券嘅資格，不過有議員就質疑點解取消數目咁少。 立法會議員李梓敬就話，《施政報告》顯示有11萬人移民，但點解最後只取消咗幾萬人資格。財政司司長私人辦公室政策統籌主任李文成就回應，最初有25萬人被取消資格，有18萬人提出覆檢，但有人未能證明未曾離港，亦有人係移民回流，所以最後只取消咗8萬人。 另外有議員質疑今年嘅行政費仍同上年一樣係4億元，今年派發人數有改變，比上年多20萬人，佢承諾會盡力減行政開支。