雅虎香港電視

不少打工仔想「退休做保安員」，實行活到老、做到老。但一名24歲青年，就似乎想「立志」做保安員，考齊牌照後，在facebook專頁「全港保安招聘站」發求職帖文，開出條件積極搵工，本人24歲，剛剛攞齊QAS證書同保安人員許可證，未有經驗請見諒，想找固定早更保安工作，主要想返九龍東，港島東，隨時可以返工。 不少回應的網民均驚訝「咁後生做保安」，大多看淡其生涯規劃，苦勸多讀書進修，要不然去學門手藝也好；有人則認為行行出狀元，努力用心去幹必有出人頭地之日。 而當中不少過來人，以自身經歷告戒樓主，促請對方三思，諗住做到70歲嗎? 藉這契機回望勞碌大半生，總結出保安員苦樂參半，有辣有唔辣，冷暖自知。 雖然不少網民唱淡做保安員的前景，但也有人另有看法，認為「做保安好，慢慢學，考返啲證書，將來都可以做經理，行行都岀狀元」，另有人指「我喺酒店做保安（外判）人工唔低！做得開心就好，學到嘢就好」 此外，還有網民質疑樓主作故事「懷疑假膠」，又有人認為樓主毋須在群組發帖求職，因「咁後生又喺男嘅，send CV（寄履歷）出去啲保安公司，10間都會有7間覆你吧」。