雅虎香港電視

跨國連鎖快餐店麥當勞今日突然宣布關閉美國嘅辦公室，有傳準備裁員。有媒體報導，麥當勞辦公室員工收到內部通知，要求佢哋由今日至星期三在家辦公，公司會透過線上發布最新嘅人事決定。 內部通知又話，員工要取消原定同外部人士嘅會面，準備番到總部參與會議，報道指，集團會喺今個星期內公布人員配置水平嘅重大決定。 麥當勞全球有超過15萬名員工，但香港嘅麥當勞，美國總公司只佔20%股權，其餘由中信以及凱雷資本擁有，但未知裁員會唔會影響香港業務。