雅虎香港電視

麥明詩（Louisa）早前就公開同男友盛勁為求婚嘅片段，公布婚訊。今日（1日），Louisa喺公佈婚訊後首次出席活動就回應婚禮籌備過程。對於婚禮嘅日期，Louisa就表示會喺香港市區舉行，直言自己係秉持「快靚正」嘅理念去預備婚禮，所以短期內都會公佈詳情。至於提到理想中嘅婚禮，佢更加話：「想將Focus擺喺賓客，希望佢哋玩得開心，同埋唔好悶，我成日去好多婚禮都好悶，所以盡量花多啲心思，將資源唔好擺喺啲為做而做嘅嘢，而係令到大家同自己Enjoy嘅事情上面。」