雅虎香港電視

中國金融科技企業螞蟻集團發出公告，宣布螞蟻集團唔再由單一股東控制，即係創辦人馬雲正式放棄公司控制權。 螞蟻集團自從2020年上市觸礁之後，阿里巴巴同埋螞蟻一直被內地整改，更一度罰款182億人民幣。 螞蟻今次就話，馬雲會成為公司嘅十大股東之一，形容係公司治理結構進一步優化。外界預料，螞蟻可能會重新啟動上市。 螞蟻被整改之前，馬雲曾經公開發言，批評內地金融制度，之後少有露面，近月有消息話，馬雲定居喺日本東京，學習先進漁農技術以及藝術。