雅虎香港電視

法國楓丹白露一家拍賣行日前舉行拍賣會，其中一個黎自中國嘅青花瓷天球瓶，原本只估值約1萬5千港元，不過就異常地吸引幾十名中國人爭相出價，最後近7000萬港元成交，震驚收藏界。 據指最後由一名中國收藏家成功拍得心頭好，天球瓶高約54CM，瓶身有幾條藍色嘅中國龍圖案，有分析家話，依個係黎自18世紀嘅罕見古董。 賣家係一名法國女子，佢嘅祖母同樣係收藏家，原本將花瓶拎去估值時，被告知只值1萬5元，但最後卻天價成交，賣家非常後悔賣走罕有古董，而負責估值嘅鑑定師亦被解僱，法國拍賣行協會會長話，佢從來未見過咁嘅事情。