【星級理財】鄧一君擺脫「香蕉仔」形象 轉行賣保險開餐廳
223,577 次觀看
大家仲記唔記得90年代,有套電影叫《記得香蕉成熟時》,係講少男情懷嘅?當時飾演楊醒波的鄧一君未夠廿歲。 眨吓眼25年,期間鄧一君轉行做理財顧問,宜家仲做埋餐廳老闆!今集佢接受【星級理財】訪問,親身講自己點解轉行。 鄧一君話拍咗廿年戲之後,覺得無咩前景同挑戰,相反覺得保險業可以幫人,有發展空間,於是毅然轉行。佢話藝人轉行賣保險唔係想像中咁容易,粉絲唔一定會變客人,因為大家對佢做演員嘅印象太深,要一段時間先可以接受倒佢轉型。不過,有啲娛樂圈嘅兄弟姐妹見佢認真做,都成為咗佢嘅熟客仔,唔知係咪包括好朋友古天樂呢? 作為理財顧問,今集佢亦分享咗自己嘅理財心得。佢話自己開咗個獨立的銀行戶口專用嚟儲錢,每個月會喺出糧戶口轉啲錢過去,而呢個戶口係從來唔俾自己提款嘅! 之後佢仲分享自己嘅投資心得,話自己月供股票、月供基金和月供儲蓄保單通通都有買。有時見市況低迷,仲會加碼用零用錢買少少股票,作為短線投資,升十幾個巴仙就會止賺,同時亦會以跌十幾個巴仙為止蝕位。至於基金方面,佢會買一些派息型基金,目標係追通脹。 最後佢仲分享咗自己嘅星級理財小貼士,就係將儲蓄放喺4個櫃桶,現金、投資、保障和穩定入息樣樣都要有。 想睇鄧一君仲有咩理財貼士分享,一定要click入嚟睇!
登入即可發佈回覆。

Yahoo有權移除任何不符 規範服務條款(包括粗俗或鼓勵犯法)之留言。

熱門商品