雅虎香港電視

政府琴日開通香港居民預約過關內地嘅系統，截至今早8點，超過28萬人預約過關，深圳灣口岸、港珠澳大橋嘅名額，喺臨近歲晚嘅日子開始額滿，而落馬洲口岸亦有一日額滿，其他日子就仍有相當多名額。 署理政府資訊科技總監黃志光話，預約系統啟用初期，一度要輪候，但一個鐘左右已經消化，之後唔需要等就可以入到網站，頭兩個鐘已經有15萬人預約，顯示系統容量充足。 佢又提醒市民，過關要帶預約證明、48小時內嘅核酸檢測證明以及身份證明。