雅虎香港電視

【Now財經台】截至早上11時止，1小時內《彭博》用戶關注度上升最多港股，依次為小米集團(01810)、碧桂園(02007)、阿里巴巴(09988)、騰訊控股(00700)及萬科企業(02202)。

小米股價近期強勢，暫時已連升第7日，係升浪最長及最強勢藍籌，其實小米近期有唔少消息，包括董事長雷軍話小米14系列手機銷量破100萬部，並嚴重缺貨，小米月中會出季績，愈來愈多分析估計集團盈利趨勢向上，係咪意味小米盈利復甦？

大華繼顯策略師楊韻銳認為，雖然小米第2季收入按年下跌，但相信上季會錄得溫和增長，扭轉下跌趨勢，更重要係留意毛利率，之前整體手機市場向下，但小米繼續做到高端化，估計上季毛利率會持續向上，按年升4.8個百分點至21.4%。出貨量方面，小米可以做到逆市上升，而上季市佔率達14%，係2021年第3季以來最高，加上持續高端化，相信集團業績會愈做來愈好。

股價方面，Curtis指小米一直不乏利好因素，而後續部署可以考慮…