雅虎香港電視

【Now財經台】虎都(02399)噚日收市後公布，就成立汽車及摩托車後市銷售聯營進行磋商，股價今朝高開1%後，好快就跟隨大市轉跌，一度跌逾16%，低見0.8元，之後跌幅收窄。

虎都股價喺4月見過高位6.58元後企唔穩，股價1個月累跌逾90%至0.54元，再次跌到變毫子股，之後股價一直冇起色，直至今個月先有起色，月初喺成交配合下曾經上返1元，但之後又碌返落嚟。虎都月底就會出中期業績，留意到時管理層點樣為新舊業務解畫。