雅虎香港電視

【Now財經台】研祥智能(02308)控股股東陳志列夫婦依家合共持有99.5%股權，最新提出私有化集團，每股作價1.75元，較停牌前有15%溢價，其實陳志列喺2020年6月，曾提出擬以每股1.5元私有化公司，但最終未能成事，今次私有化作價比上次加價16%，但較截至去年底止每股資產淨值約2.96元，折讓逾40%。

公司通告提及，要約人唔會提價，睇返上次提私有化要約時，股價喺接納期限前幾日曾飆5倍，但計劃觸礁後就暴跌，研祥上周停牌前已經畀春江鴨炒起，即市高位曾見過1.68元，迫近私有價，股份今日復牌又升，但暫時即市高位同停牌前差唔多。