雅虎香港電視

【Now財經台】百濟神州(06160)股價連跌第3日，今朝低開近1.5%後，跌幅持續擴大，午後成交增加，跌勢一度加劇，曾重挫最多跌超過15%，低見108元，跌至半年低位，暫時成交金額近4億元，成交量較過去100日同時段平均增逾2.5倍。

據報百濟旗下用於治療被套細胞淋巴瘤藥物澤布替尼，喺美國銷量大升，仲喺美國獲頒1項專利，不過，集團被艾伯維藥廠旗下1家公司指控侵權，未知呢單訴訟會唔會影響澤布替尼銷售。

百濟股價今日插穿250天牛熊線，係半年以來首次，但14天RSI已跌至24嘅超賣水平，雖然過去1年都未見過咁低水，但都建議睇多幾日，留意歐盟對百濟同瑞士諾華藥廠合作研發，治療胃癌嘅抑制劑有冇負評，因為對百濟收唔收復到牛熊線有影響。