雅虎香港電視

【Now財經台】康寧醫院(02120)今朝低開後，好快就調頭向上，一度升近22%，高見37元，主動買盤逾85%，其後升幅收窄，股價今日大升亦有成交配合，成交量較過去100日同時段平均多3倍，更有機會錄得歷來最大單日升幅。

康寧今天以1枝大陽燭抽升，差唔多補返晒前年中期業績後，股價大跌造成嘅下跌裂口，亦逼近5年半前嘅上市價38.7元，但14天RSI已經上到81嘅嚴重超買水平，喺舊年10月以嚟都冇試過。

康寧股價舊年累升近40%，扭轉對上兩年嘅跌勢，今年暫時累升逾20%，睇下後市有冇力上返水面，甚至挑戰更高水平。