雅虎香港電視

【Now財經台】山東墨龍(00568)噚晚出咗中期業績，中期虧損收窄，唔派息，山東墨龍股價今朝低開近2%後，跌幅一度擴大至逾4%，但好快已經有買盤跟進，股價隨即掉頭向上，一度倒升逾17%，高見5.1元，衝上近1個月高位。

雖然山東墨龍今日靠份業績炒上，開出1枝大陽燭，但出現咗中線死亡交叉，反映中線走勢轉弱，加上14天RSI(相對強弱指數)已經上到60水平，同之前裂口跌落來嘅高位差唔多，喺管理層爆出涉及違規事件，同埋技術走勢唔太樂觀下，想追入嘅投資者就要睇路。