雅虎香港電視

【Now財經台】A股巿場牛年準備收爐，上證暫時累跌逾7%。上證今年一直跟住外圍調整，走勢明顯轉弱，星期二更一度跌2.5%，係一年半以嚟最大單日跌幅。而恒指牛年走勢同A股相若，先見高位之後持續回落尋底，暫時累跌22%。

港股呢邊仲有下星期一半個交易日先收爐，年尾都有隻藍籌小米(01810)破緊底，股價已經連跌五日，今年累跌13%。小米本業手機方面，去年內地最新出課量數據按年升27%，巿場份額排第三。不過，現時小米股價咁弱相信同下行嘅汽車股有關。投資者可以留意下個位置，14至15元水平守唔守到。