雅虎香港電視

【Now財經台】大市好淡爭持，銀行股今日都有得升，以升幅計，中銀香港(02388)就最標青。

中銀今日高開逾2%後，午後再升多浸，一度高見26.75元，升逾3%，衝上半年高位，其後升幅收窄。

睇返技術走勢，銀行股之中，都係中銀走勢最強勁，除咗已收復所有移動平均線外，更加係一眾股份中，距離下方50天線最遠，噚日已經破咗近月嘅阻力，即25.6元水平 ，睇返《彭博》平均給予嘅目標價係31.6元，以現價計，即係股價仲有15%潛在升幅。