雅虎香港電視

【Now財經台】畀瑞銀唱好嘅中航科工(02357)，今朝高開唔夠1%後，升幅逐步擴大，午後一度高見5.74元，升逾12%，有機會錄得今年第2大單日升幅，今日成交都明顯增加，暫時成交逾3.5億元。

瑞銀出咗報告，將公司嘅目標價大升超過50%，最新睇7.1元，評級維持「買入」。

中航科工股價今年初曾衝上逾5年高位，升至8元水平後，大和都曾經用同瑞銀差唔多嘅理由唱好中航科工，不過，股價反而見頂回落，近幾個月一直喺4.5元至5.5元上落，股價今日以1枝大陽燭抽升，睇吓今次能唔能夠出現突破。