雅虎香港電視

國家主席習近平琴日同烏克蘭總統澤連斯基通話，係俄烏戰爭爆發之後第一次。央視新聞報道，雙方就中烏關係以及烏克蘭危機交換意見，中方將派代表訪問烏克蘭。 習近平話，中烏關係走過31年，達戰略夥伴關係水平，又讚賞澤連斯基重視發展中烏關係以及對華合作，感謝烏方上年為中國公民撤離提供大力協助。 習近平話，中方願同烏方一道，將兩國互利合作向前推進，佢又話，中方企喺和平一邊，核心立場係勸和促談，又話核戰冇贏家，各方要冷靜克制。