雅虎香港電視

近日新冠確診數目再度上升，有私家醫生話，診所每日由平均診治兩名新冠病人，目前每日大約近10個，有機會用完新冠口服藥嘅存貨。另一方面，流感嚴重個案亦上升，不過政府專家顧問許樹昌就認為，流感高峰期已過。 香港西醫工會副會長陳培光話，雖然當局無限制私家診所領取新冠口服藥嘅數量，但有機會一日就用盡存貨，呼籲確診者可以到醫管局診所求醫，周末先去私家診所。 另外，近日流感嚴重個案增加，不過許樹昌就認為數字已經到頂，預料將會回落，近日雖然天氣回暖，但唔少人有戴口罩習慣，又有接種疫苗，唔認為會大規模爆發。