雅虎香港電視

申訴專員公署今日宣布，將會展開主動調查，審視當局打擊濫用公屋嘅措施，又話有市民反映，舉報之後未獲跟進。 申訴專員趙慧賢話，房協以及房委會負責提供出租公屋，都有措施防止公屋被濫用，房屋署作為執行機關，有專責隊伍跟進濫用公屋嘅個案，亦可以根據條例收回公屋，但係，公署不時收到市民投訴，指當局冇妥善跟進懷疑濫用公屋嘅舉報。 趙慧賢話，公署決定展開調查，審視房委會、房屋署以及房協打擊濫用公屋資源嘅工作，喺有需要嗰陣提出改善建議。