雅虎香港電視

【Now財經台】Tesla估計今年交付量將較去年增長逾50%，即係逾140萬部汽車。喺供應鏈問題未解決下，呢個全年交付量做到嗎？若果今年單靠交付量上升去推動業務，足唔足以支持現時近百億嘅預測PE？股價又有冇力重上一千美元大關？

LW利達基金經理及合夥人黃耀宗指，市場今年對新能源車好嚴苛，以致Tesla短期受壓。Tesla谷交付量似係為咗滿足市場而做，但佢嚿年都證明到自己係有能力咁做，唯一只係要犧牲少少毛利，始終今年成本較高，尤其嚟緊可能要搶晶片或電池。