雅虎香港電視

【Now財經台】踏入2022年，環球地緣政局風起雲湧，作為全球第7大產油國，每日產油量超過400萬桶嘅阿聯酋，爆發軍事衝突，由於阿聯酋有恐襲，刺激油價急升，純粹係基於事件嘅短暫反應，還是油價借勢再上衝？

艾德證券期貨投資策略總監文錦輝指，原本油價舊年調整完，就慢慢升返上去，基本上市場都一致睇好，再加地緣政治事件令成個局勢火上加油，因為一啲油組(OPEC)國家例如俄羅斯，產油能力愈嚟愈低，因為過去一段時間油價唔係造得太好，好多國家嘅資本開支都冇投放落去新設備，令產油設施老化，長遠嚟講，因為設施老化，供應就會減少，所以油價今年易升難跌。