雅虎香港電視

流亡海外多年嘅前泰國首相他信以及英祿近日被傳現身香港，參加一個私人飯局，他信更提到對自己個女佩通坦參選首相充滿信心，他信話，為泰黨得到農村力量支持，宜家佩通坦支持率大幅領先，為泰黨有望喺曼谷拎到過半數議席。 他信流亡多年，相信一直以香港為定居點，他信家族有華人血統，佢喺2001至2006年出任首相，之後被軍方奪權後，流亡英國，2011年英祿領導為泰黨再次贏得大選，但2017年被指濫權瀆職，之後流亡海外。現時他信嘅細女佩通坦宣布參選首相，再次挑戰有軍方背景嘅首相巴育。