雅虎香港電視

連鎖泰國百貨公司創辦人林景楠涉及民主派初選案，被控違反國安法，佢早前唔認罪，但琴日作審前覆核嗰陣，控方透露，林景楠有意向改為認罪，並可能錄取一份新嘅口供。 林景楠繼續獲得保釋，法官提醒，控方如果決定納入新證供，要盡快送到其他辯方代表，唔係審訊會有所延誤。 目前47名民主派涉案，當中有16人唔認罪。早前傳有兩名被告會轉為污點證人，其中一人相信係前區議員趙家賢，另一人未知係唔係林景楠。