雅虎香港電視

前立法會議員李卓人嘅妻子鄧燕娥今日被警方國安處拘捕，國安處人員喺赤柱監獄外帶走鄧燕娥，佢上年一度前往英國，但相信今年回港。 鄧燕娥以前長年出任職工盟要職，喺職工盟解散前，李卓人係主席及秘書長，而鄧燕娥係總幹事，上年有傳媒報導，職工盟關聯組織「亞洲專訊資料研究中心」涉勾結境外勢力被查，喺中心停止運作之後，鄧燕娥離開香港。 李卓人2021年12月涉多項示威案件被判入獄20個月，另外因為支聯會一案涉嫌煽動顛覆國家政權罪，正喺度還押候審。