雅虎香港電視

【Now財經台】市場等緊稍後聯儲局公布上月議息紀錄，美匯指數回升至104水平，聯儲局今個月冇議息會議，市場會點解讀呢份紀錄？有咩地方最值得留意？

東亞銀行財富管理部高級投資策略師黃燕娥指，其實呢份都係上次嘅議息會議紀錄，相信會披露上月加息幅度較之前4次小嘅原因，其實市場都知道係因為通脹回落，所以都唔會係太新嘅資訊，因此，對市場影響唔大，但可以留意局方官員會唔會提及一啲更詳細嘅原因。

佢又提醒，投資者要留意周五出爐嘅非農數據，如果表現理想，相信市場預期加息機會更大，若平均時薪上升亦會加大通脹壓力，而下周公布嘅通脹數據亦要睇實，雖然市場預期通脹會進一步回落，但回落幅度會影響美元走勢，喺呢兩個因素互雙抵銷下，預期美元短期會繼續橫行。