雅虎香港電視

【Now財經台】澳洲最新失業率，由近50年低位反彈至3.7%，高過預期。就業職位減少係咪反映過去11次加息對企業經營同勞動市場帶嚟壓力？6月加息機會會唔會因此放緩？

亨達集團助理總經理羅明立話，央行最關注嘅勞動市場有放緩跡象，所以6月加息機會較微。當地失業率回升，預計年底有機會升返去4%以上，加上環球經濟環境不明朗，央行適宜按兵不動。

至於澳元宜家處於所有平均線以下，Patrick表示數據已經去到區間接近低位附近，央行如果暫停加息，會對匯價有影響。近期美金反彈，非美貨幣有機會轉弱，令澳元進一步下跌。