【星級理財】大台8年做到驚 黃宇詩創業搵出路
589,516 次觀看
黃宇詩喺大台做咗8年,主要做主持嘅工作,而另一個為人熟知的身份,就係黃霑個女。原來黃宇詩無做大台之後,創立咗自家內衣品牌,今集佢就同大家分享創業原因和碰釘嘅經歷。 黃宇詩話當日創業嘅理由好簡單,完全因為搵唔到自己喜歡嘅內衣!佢話喺街買內衣,總係款式老套,仲要尺碼唔啱,於是佢慢慢去研究一種叫亞洲人嘅尺碼。而佢將自家內衣品牌命名為「Me Me & Me」,就係寄語自己透過呢個品牌搵返自己,希望走到生命盡頭嘅時候可以無憾無悔。 之後佢講到做藝人,好處係有人認識自己,但講到創業,藝人嘅光環不一定有著數。佢話創業之先,因為唔熟行情,廠家會想佔便宜。尤其係內衣本身嘅結構好複雜,有時佢唔識嗰啲術語,人家嘅態度就唔好,令佢有啲難受。但佢話呢個係學習過程,反而要多謝人哋塞錢入自己袋,仲話創業就係咁,如果咁容易畀人打沉,就唔應該創業。 然後佢講到自己創業受過啲咩教訓。佢話試過貪小便宜,以為洗咗一筆錢可以賺返好多,當刻覺得自己投資正確,但事實不然。佢話做生意係要孤寒嘅,每花一蚊都要小心,洗錢之前要釐清用途,緊守公司定位和發展方向。 最後,佢分享自己嘅理財小貼士,就係做生意嘅時候,錢都應花在和自己品牌相關嘅事,而唔係突然有個機會,唔理自己係咪熟悉都投資,咁樣好容易因為一啲小甜頭而令自己輸長遠。 想睇黃宇詩創業之路和經營理念,快啲睇呢集「星級理財」!

Yahoo有權移除任何不符 規範服務條款(包括粗俗或鼓勵犯法)之留言。

  • A
    Antony
    香港人,加油!
熱門商品