雅虎香港電視

香港從聽日起正式解除所有防疫措施，特首李家超今日宣布，由3月1日起，室內、室外以及公共交通工具都唔需要戴口罩。 李家超話，數據顯示疫情受控，冇大型反彈跡象，香港已經有廣泛以及全面防疫屏障。但佢話，為咗保護高危群組，醫院、安老院等可以用行政指令，要求在場人士以及訪客戴口罩。 至於香港仍然有禁蒙面法，被問到會唔會同步撤銷，李家超就話，兩者唔係同一回事，政府會適時檢討禁蒙面法，但現階段唔會處理。