雅虎香港電視

日本11日起撤銷所有入境檢疫限制，唔少人都馬上前往旅行，亦因此令機票價格比疫情前大升，尤其係旅遊旺季。 根據國泰航空網站顯示，現時由香港飛往東京嘅來回機票，大約5300蚊。但到咗聖誕及新年期間，來回機票價錢上升到一萬二千蚊，貴超過一倍。 唔只係機票上升，當地餐廳都有加價，由於日本政府同時大力催谷國民喺本地旅遊，因此補貼本地遊近4成旅費，唔少熱門旅遊地點嘅預約住宿都供不應求，不斷加價，有餐廳跟住順勢加價，所以即使日圓貶值，現時港人去日本都唔會有想像中咁抵。