雅虎香港電視

律政司擬提出修例，讓控方有權喺高等法院原訟庭審判庭對案件作出無罪裁決嗰陣，以「案件呈述」方式提出上訴。 律政司話，現行嘅《刑事訴訟程序條例》，即使高等法院原訟庭審判庭嘅裁決理由可能有法律錯誤，控方無權以「案件呈述」方式提出上訴，有別於裁判官或區域法院所作嘅無罪裁決。 行政會議成員湯家驊就認為，修例合理，現行安排之下，控方唔可以就法律觀點提出上訴，要等下次有案情接近嘅案件，先可以釐清法律觀點，而國安法係新法律，如果用較長時間等待，唔符合法治以及維護國家安全嘅原則。