雅虎香港電視

政治漫畫家尊子日前喺《明報》刊登一篇漫畫，當中諷刺警隊以52億建造嘅通訊新系統會超支，保安局局長鄧炳強批評，漫畫屬「誤導性指控」，要公開譴責。尊子就話冇回應。 尊子嘅漫畫提到「紀律部隊更新器材預留200億都唔多」，又話「器材好咗就可以拉多啲犯人，起多兩座監獄，請多啲法官審案」，結果係「300億都嫌少」。 鄧炳強就話，政府樂意接受批評，但唔係基於事實嘅誤導性指控，挑動對政府不滿，有責任要公開譴責。警方日前向立法會申請總共57.8億撥款，以建立新一代通訊系統及資訊系統。