雅虎香港電視

【Now財經台】內地平台經濟監管風暴仍未消散，針對個別企業更似乎愈演愈烈，不過，平台股嗶哩嗶哩(09626)(B站)股價已連升第5日，雖然相關監管愈嚟愈嚴，但B站股價反而愈升愈有？

英皇證券研究部總監陳錦興Stanley指，市場已經消化咗呢類消息，所以平台股壓力唔會太大，B站定位比較特別，觀眾群多數係「Ｚ世代」，加上以創作為主，受侵權問題影響細。

睇返內地1月至2月視頻平台市佔率，Ｂ站佔比僅4.6%，但Stanley話，應該將焦點放喺未來增長動力，Ｂ站月均活躍用戶增速係短視頻中最快，管理層預期，2年至3年後，月均活躍用戶可以由現時2億倍升至4億，反映集團增長空間好大。