雅虎香港電視

【Now財經台】噚晚係美國今年巨無霸新股Arm上市第3日，股價一度急挫逾9%，收市仍跌逾4%，但已連跌兩日，累跌近9%，雖然Arm只係上咗市3日，但睇返呢兩日表現，前景係咪冇預期咁樂觀？

高富金融集團投資總監梁偉民認為，Arm股價呢兩日回調係正常，並預期調整未完，原因係Arm估值唔平，但首掛當日勁升逾20%，加上預測市盈率(PE)超過80倍，雖然連日出現回調，但PE仍高逾70倍，再睇返集團收入及盈利增長，未來增長前景又似乎唔會太厲害，尤其未來1季嘅收入增長，預期唔會超過10%，因此，股價回調係正常。

不過，Wyman提醒，Arm股價回調唔可以作為一個指標，意味科技股已經炒完，純粹係Arm自身因素導致股價回調。