雅虎香港電視

【Now財經台】雖然變種新冠病毒Omicron繼續肆虐全球，但美股喺2022年第一個交易日走強，3大指數都有得升，其中道指及標指齊破頂。此外，蘋果公司股價噚晚唔止再創新高，更一度成為史上首家市值突破30000億美元嘅企業，但睇返2018年、2020年，Apple市值分別去到10000億及20000億美元時，股價都會調整，今次係咪都唔甩？

潤淼資產管理董事盧志威指，今次可能會例外，始終Apple股價都整固咗好耐，所以有機會再破頂。William又話，如果Apple股價係靠有新產品面世推咗上去反而唔穩陣，但依家係靠購買力推股價上去，所以後市好大機會繼續有得升。