雅虎香港電視

【Now財經台】美國聯儲局主席鮑威爾(Jerome Powell)噚晚發表演說時指，當地通脹高企，加上長債孳息抽升，令金融狀況收緊，又話局方會謹慎評估進一步加息嘅必要性，可能要透過放慢經濟增速拉低通脹。雖然市場依家預期11月唔會加息，但係咪代表之後都唔加？

博威環球證券金融首席分析師聶振邦指，鮑威爾只係話要耐心等待加息效果浮現，冇暗示加息周期結束，甚至考慮減息，反映聯儲局喺加息與否方面仍十分審慎。佢又話，近期美國債息及按揭利率上升，對當地樓市都有影響，另一方面又平衡返通脹及經濟情況，所以先會考慮推遲加息。

聶Sir又指，如果睇返數據，11月唔加息都幾乎已成定局，但12月加唔加息嘅變數就比較大，除咗地緣政治因素，若美國通脹再升至4%以上，聯儲局加息誘因會大好多。