雅虎香港電視

【Now財經台】國家統計局今日公布咗11月嘅電力生產數據，日均發電量連跌三個月之後再度回升，帶動電力股今日逆市向上。

華盛證券證券分析師聶振邦認為，電力板塊之前一直受限於煤價困擾，現時電荒問題逐步緩解，加上現時港股資金傾向流入強勢股，因而明顯流入電力板塊。對於內地嘅經濟環境逐步放寬，以「穩」行頭，聶Sir表示工業活動係一大關鍵。

佢指出，傳統第四季到翌年春節假期前，工業活動傾向蓬勃，聶Sir預期中央政策會利好電力股方面發展，以幫助內地經濟增長取得好表現。