雅虎香港電視

【Now財經台】雷蛇(01337)純利大升超過7倍，收入增長30%, 毛利又升43%, 毛利率亦由22.3%升到24%，個個數都靚，但股價就唔係咁興奮。此外，雷蛇話進行私有化已經拖咗一段時間，係咪會繼續拖落去？

艾德證券期貨聯席董事陳政深指，雷蛇嘅盈利增長係大過收入好多，難免令人擔心當中係咪有好多水份，今次盈利增長係幾誇張，但未來要留意可以唔可以持續，因為供應鏈方面係有風險，會直接影響產品交付。

私有化方面，佢指出，公司舊年已經講明唔會加價，咁市場咪睇住呢口價做操作，同埋係機會私有化失敗，2.82元已經係個頂，市場唔會喺呢啲位等佢私有化，所以變相已冇乜水位，亦限制咗股價表現。