雅虎香港電視

【Now財經台】受多項重大不利消息夾擊，阿里巴巴(09988)股價今日一度急挫逾10%，更成為拖低大市嘅主要「元兇」，後市會唔會進一步下試在港上市以嚟低位，即60.25元？集團放棄分拆雲智能、叫停盒馬上市，係咪意味之前對阿里嘅憧憬已經落空？

紅蟻資本投資總監李澤銘認為，阿里短線會下試70元水平，要睇下守唔守得住，事實上，集團中長線對面對唔少問題，而短線就比較擔心馬雲家族減持，除咗會唔會沽清外，沽貨都反映對阿里或內地市場信心動搖，喺內地希望力吸外資下，減持會為市場信心帶嚟好大影響。

Alan又指，暫停分拆對長線估值，以及企業營運構成重大不明朗因素，阿里冇清楚交代今次暫停「1+6+N」改革嘅原因，亦冇提及未來會唔會繼續分拆業務上市，還是計劃需要重整，喺整個戰略部署未清晰前，相信投資者都唔敢貿然入場，阿里股價短期跌到70元水平，可能會有技術反彈，但估值會調整或壓縮到咩位置暫時都係未知數。